是日黃小B 19w2d，又到左產檢日 
今次係我第二次去天水圍健康院做檢查
由於有上次中伏嘅經驗，今次叫左媽媽陪我去坐下，男人去返工搵BB 錢啦 
(詳見：第三次產檢 @ 02 Dec 2014)
今日約左下午2點，住得近嘅關係同媽媽1:45pm 就到左健康院
仲諗住好乖啦，早成15分鐘到喎
點知，其他準備做產前檢查嘅媽媽已經坐滿左半邊場... 
上次都係新症嘅媽媽，而今次啲媽媽們都已經睇慣睇熟，有晒經驗
大家寧願早啲到，早啲拎到個no.，咁就可以早啲搞掂早啲走
今次我拎到已經係no. 13 了
同上次睇朝早830，我早5分鐘到都有no. 3 差好遠呀 
流程同上次差唔多:
1. 驗小便 -> 磅重 -> 量血壓
每次都係留早餐前嘅第二次小便
今次留小便輕鬆好多啦，因為可以係屋企慢慢準備，唔洗好似上次咁又要餓又要留又要趕住出門口 
唔知係咪同媽媽黎吹水吹得太開心，第一次量血壓時上壓竟然高左，搞到又要再等再量過 
好彩第二次冷靜落黎就正常返lol
2. 腹部檢查 + 聽心跳
呢個就係我第一次試啦，因為上次係見醫生嗰陣先做呢樣野嘅
今次先做好晒第一part 嘅野，然後等叫名入房，入到房就有3張床
全部圍好晒，你係唔會睇到入面做緊咩，只係會聽到少少人地bb 嘅心跳聲 
跟住姑娘叫到就訓上床，俾佢按下肚仔，佢會問你feel 唔feel 到bb 郁，同埋聽下心跳
(我成日覺得啲心跳聲好似火車聲，因為好嘈又好密 XDD)
3. 見姑娘
完成part 1 & part 2，繼續等嗌名
因為今次no. 都後，所以都等左好一陣子先嗌到我入房見到姑娘
等待嘅時候我已經見到頭幾個媽媽已經搞掂走得 
今次姑娘就講返之前去屯門醫院驗唐氏，同埋上一次去健康院抽血嘅結果
唐氏嘅機會率係1:29000，唔係高危一族 
抽血結果亦都好正常，唔應該有嘅都無，有嘅抗體都有 
係睇血壓嗰陣俾姑娘發現我驗左兩次，佢就叫我下次早啲到坐下冷靜下先
我無同佢講係因為笑過頭搞到血壓高左少少啦
不過姑娘有讚我而家重得好好，一切係標準以內
然後我問埋問題，姑娘答完，無咩特別唔洗見醫生，咁就約期下次再見啦
4. 約期 + 拎supplement (如有)
拎住張覆診卡約期，下次又係6個星期後嘅事，初五黎嘅喂 
最後去藥房拎埋袋materna 就真係走得lu
所以黎緊嘅我，年三十晨早就去健康院飲糖水驗糖尿，初五下午就去做產檢
希望夫家唔好真係初二出發去旅行啦 
唔知呢啲政府野改期係咪好麻煩嘅呢?
而家好期待下星期去佐敦搵馮醫生照結構呀，可以好detail 咁見下黃小B 嘛
黃小B 你要繼續努力做個健康肥仔阿!! 
No comments:
Post a Comment