所以我可以好快手買齊料就返屋企印啦~
但整完就有另一個問題出現: 點黐先可以黐靚仔張label?
張label o既黐力實在太好, 用手"meet" 出黎, 會印晒d 手指模落去
如果唔小心未對好位就黐左小小落帖信封到, 重新黐過會見到有一條條痕 
同埋最緊要, 唔好黐到斜晒! 因為有字係上面, 斜少少都會好顯眼...
一開始, 我就拎左兩個夾仔一上一下咁夾起個label, 然後拉直張label 慢慢肉眼對水平
(就算係咁, 細心睇都仲係有印呀, 但總好過成個手指印 orz..........)
但如果要咁樣用眼對水平對過百張帖, 實賴野, 因為黐10張我都整衰左1, 2 張 
於是我家的DIY 男人就laser cut 左個膠框俾我對水平
因為個框有條邊係kick 住個帖邊, 所以我唔需要再考慮個框有無對齊水平
使用工具 & 結果如下:
某程到黎講, 其實肉眼對水平係快過對住個框的, 因為我有時會唔小心想黐落框到 lol
但為左唔好貪一時之快而黐衰左張帖, 我都係乖乖地慢慢整啦
家中男人雖然一開始由得我自己一個傻下傻下咁黐黐黐...
但應該出手o既時候都係會拯救我呢個迷途小羔羊o既
解決左個封面, 就要諗下點封左個信封了
