好啦又到左大日子半年倒數，亦都係我最緊張嘅其中一個環節 - Pre-Wedding!
坦白講，我唔係咩靚女，做開model嗰啲人, 人生得一次做主角，無可否認係好想女神一番，哈哈哈哈
但因為帶傷在身，所以我係一啲肥都無減+感冒中嘅情況下留倩影啦=_=
是日行程: Studio -> 荔枝角公園 -> 山頂公園 -> 白加道纜車站
9:30am 開波，準時到步嘅我地都係唔夠化妝師&助手早!! 當下覺得我地兩個主角係遲到左lol
化妝師Koyi係由攝影師呀Ming 搵俾我，其實影之前我都唔知佢係邊個，係我八八掛掛上網search, 先知原來呢個化妝師幫開明星化妝的@0@
結果佢同佢助手都好專心好快手，仲幫埋我著衫戴nu bra, 10點幾已經開得波影相!
但做女神嘅道路並唔係咁簡單，我呢啲緊張大師根本就「拿手唔成世」lol
唔識笑，唔識擺pose, 唔識望邊
相反黃輝勁快入狀況，仲教返我轉頭=_=!! 真係有啲唔甘心lol
好彩搵左個信得過嘅攝影師，佢開左一兩張相俾我地睇，真係好韓國女神feel! Ming Oppa 真係化腐朽為神奇呀XD
除左 1) 著住girdle + 束褲全日搞到暈車浪暈死左 & 2) 因為我嘅粗心大意搞到要破財擋災... 基本上係一日天公造美好開心好啱影相嘅一日!
同埋好難忘係夜晚去左白加道山頂纜車站影相，估唔到咁啱山頂纜車維修，我地走左去路軌影左張可一不可再嘅相@0@!! (危險動作請勿模仿 lol)
呢個我相信都真係一世人先有嘅一次回憶，哈哈哈
完全無揀錯嘅the one and only Pre-Wedding, 多謝你呀Ming, 呀Ken (拍花絮片)，化妝師Koyi Chuei & 助手Elaine
(不過同時更加覺得big day 要用second team 係一大遺憾T__T, 因為我實在太滿意你啦呀Ming)
未收相嘅原因， 睇住幾張相先啦XDD
