第一次預約健康院同埋呢個檢查係要親身去嘅
拎住健康院啲文件，指定時間去屯門醫院登記，醫院真係成個迷宮咁呀@0@
好在指示都好清晰，順利搵到特別座，上去一樓行下行下就搵到E1 了
姑娘好快就搞掂俾到個期我，走得XD
11月頭去預約，派左11月21日俾我
比想像中快，我可以做到早孕期個test
11月21號，係黃小B 11w6d
怕遲到嘅關係，同老公兩個去到醫院先食lunch，因為我之前已經黎過， 所以好快就上左去等
流程都係交文件，等叫名磅重，睇片了解下呢個檢查嘅做法，用途，風險等等
話說，條片好有教育電視嘅感覺，睇到我同老公差啲訓著，好曳呀lol...
了解晒成件事，決定做呢個檢查嘅，就等見姑娘照頸皮 & 抽血
未有bb 之前聽到「照頸皮」呢個term, 我以為真係咁高科技可以度到bb 嘅頸皮有幾長=_=
原來人地係量度bb 頸後一啲透明嘅物質，從而去計算bb 正唔正常嘅機率
因為上次見私家嘅時候老公唔得閒一齊去，所以今次照超聲老公睇得好專心XD
幫我照嘅姑娘好溫柔好細心，先黎俾我地聽心跳睇到閃閃，跟住就開始度了
又難得呀b 一訓定定係到唔郁，姑娘好快手就度好了，頸皮厚度正常！ 算係過左第一關:D
度完頸皮，姑娘慢慢照埋個樣俾我地睇，睇下啲眼耳口鼻位置，手手腳腳，解釋晒俾我同我老公知，真係好開心TvT
最搞笑係姑娘一話度好，呀b 就即刻郁，伸手踢腳咁，姑娘話佢係到跳舞XD
惟一可惜嘅係無得拎相走T_T
搞掂就去另一個block 抽血，就完成成個檢查程序
政府野呢，no news is good news
檢查日起計兩個星期無收到電話，就叫順利過關，呀b 有唐氏嘅機會比較低
如果有電話，都唔洗太擔心，可以再做進一步檢查再作決定嘅
*更多唐氏嘅資料我會分開另一篇blog 俾各位準媽媽參考下:D
