其實搞咁多野去結婚，無非都係為左呢張紙，但我從來都無諗過點樣去好好保存呢一紙婚書。 直至係wow 到溫書偷師取經，先發現除左嗰個紅色花花紙大信封之外， (我見朋友係婚姻註冊處就跟機有埋嗰個封套入住張證書) 原來都可以好靚好花心思!
因為自己唔識DIY, 所以就睇人地整嘅DIY 啦XD
係wow 睇左幾篇開箱文，最後最合眼緣嘅就係"麻芝●手作"嘅作品
上去佢個facebook 睇款，問左價之後，自己覺得合理就落訂了!
佢話最少要30日起貨，對我呢個9月結婚嘅人黎講直情無壓力呀lol
3月3日落單，29號已經通知可以拎貨，今日(31號) 仲交收埋啦!
店主Magi 好nice仲好細心!
因為呢幾日嘅天氣，佢仲專登搵個膠套住個紙盒，so sweet! 哈哈
製成品我都好滿意，比想像中更有份量呢 :D
結婚當日做左幾多野都好，其實，大家都係期待簽紙嗰一刻，由小姐變成人家嘅太太，成家立室
所以，見埋製成品之後，真心覺得花呢少少錢幫張證書搵個好歸宿係好應該嘅XDD
