話咁快就6個月啦 
距離上個月去佐敦搵馮醫生照結構又過左一個月
因為黎緊新年會去泰國旅行，所以出發前就做埋檢查順便拎定張醫生紙方便上機 
唔知係咪因為新年前嘅關係，今日馮醫生比平日更忙
前幾次都係等半個鐘左右，但今次等左成個鐘呢
不過其實婦科等一個鐘我又覺得好正常，證明醫生睇得夠詳細夠耐嘛 
今次都係做例行檢查，又可以見下黃小B 
正正常常又一個月過關 
醫生話暫時黃小B屬中碼size，出世應該有6，7磅左右
要繼續加油食食食呀黃小B 
一路檢查時一路同醫生講起黎緊去泰國，有無咩特別野注意
馮醫生好搞笑咁話：「我睇你都唔會走去玩香蕉船，跳降傘架啦 
~ 游水浸水就無問題嘅~ 同埋注意飲食啦 」
~ 游水浸水就無問題嘅~ 同埋注意飲食啦 」
開開心心笑下，又完成一次定期檢查
跟住就到年三十，即係聽朝去飲糖水了，希望飲完唔會嘔啦 
Facebook Page: Siuyuen 的生活日記
