其實早係上一年，開始話想結婚，準備儲錢嘅時候我已經話要做婚前檢查
唔知點解，我覺得呢個item 真係好重要，一來可以睇下大家身體狀況如何，二來我覺得有需要知道大家許唔許可有下一代，呢個責任係好重要的
不過拖下拖下，去到求婚之後，真係正式準備結婚啲野，男人先捨得死死地氣去郁
原來佢真係好怕睇醫生！ 另外一樣主因就係因為唔知點留男士嘅樣本0.0...
最後上左生活易個網搵資料，對比左一陣，最後就選左美邦啦，平之餘做嘅檢查又夠，地點又就腳!
檢查其實好簡單，留個小便，抽一抽血，用部機仔掃一掃睇下幅射有無超標
我就加多婦科檢查，都係入一入房好快就搞掂了
男士就... 最後都係要先返屋企再飛返出去荃灣先順利完成XDDD
一個月左右就打電話黎講結果了，2個人所有野一切正常，電話個姐姐同我講係「無咩大吉利是嘅病」lol
成件事都好順利，嗰到啲護士都好nice，抽血都一次過搞掂
＄15xx 2個人連埋女士檢查真係唔錯!
始於我地兩個都想有小朋友，解決左呢個item 又安心左啦~
