娘家係天水圍，男家係元朗，夜晚擺酒都係元朗
係無選擇嘅選擇之下，就選定左嘉湖海逸做我嘅出門酒店
所以我嘅出門酒店，係無考慮過附近有無海景，個view 靚唔靚呢啲因素嘅 
當時我一定婚期，約婚期前9個月，我就send email 問酒店出門房仲有無期，可惜都係太遲了
於是再email 問埋其他房型價錢，就搵日同老公去酒店睇下啲房
(圖為2014年1月7日嘅報價同埋注意事項，outdate 晒架啦，純粹參考用)
最後睇完場，我同老公都決定係用兩間700尺嘅相連房做出門房
一來嘉湖海逸提供嘅另一個房型，600尺Junior Suite 實在唔太夠位，無乜間隔
二來貪相連房可以關埋房門慢慢玩，唔洗係門口走廊嘈住其他住客 
雖然相連房嘅房租係貴過Junior Suite，但如果間房都唔夠位俾我玩新郎嗰陣匿埋，我不如娘家出門算啦 
大日子前一日下午，我就同伴娘，屋企人一齊去酒店check in 同放底啲野
又幾好彩，酒店派左其中一間房係8字尾嘅，我地即刻決定用8字尾嗰間房上頭同埋出門 
另一間就用黎訓覺，放下野咁
房望出去嘅景唔係公園嗰面，而係輕鐵站嗰面
都ok啦，因為一開始我地對個景都無期望 XD
其實都夠開揚嘅，唔會覺得同對面啲樓你眼望我眼的
亦因為望到地下停車位，反而造就左一個難得鏡頭係相同埋早拍晚播到出現左：
(上圖：攝影師係窗口影兄弟們準備嘅情形；下圖：早拍晚播cap screen, 個黑影就係我係窗邊睇住佢地啦 XD)
個個朋友睇到張相都話：又會咁啱可以睇到咁正嘅
另外一讚嘅就係酒店房有一塊大鏡係窗邊位置，夠大亦夠光俾化妝師幫我化妝用：
(上圖：大鏡；下圖：鏡係房嘅位置)
酒店service 都ok, 姊妹要冰同冰桶，佢地都可以提供到
但因為佢無包早餐，我地亦無叫room service, 所以其他野我就無辨法提供任何意見了
至於各位B2B 最想知嘅，我相信就係影相出黎嘅效果
除左上面嗰幾張之外 -
房間相：
(相連房嘅好處就係呢樣! 一門之隔，玩又方便!!)
走廊：
酒店大堂：
一路睇返自己啲相，一路就會明白點解B2B 們咁緊張出門酒店嘅細節
因為真係有好多好多相都係喺酒店到影!
對我黎講，嘉湖海逸係元天屯一個又近又唔錯嘅選擇呀
至少影出黎嘅相都正正常常見得下人，唔會覺得間房好殘舊之類嘅
而且相連房真係好實用，夠位玩，夠位影相
當日我嘅兄弟姊妹有10個，攝影師化妝師等工作人員，再加埋屋企人親戚朋友
加加埋埋都差唔多25,6人
間房夠大，方便到各位兄弟姊妹工作人員做野，又唔會迫住晒，無位放野
希望可以俾到黎緊係嘉湖海逸出門嘅B2B一啲信心啦
Facebook Page: Siuyuen 的生活日記
婚後分享(九) - Vendor Review - 梁景琨證婚律師 (下)
婚後分享(八) - Vendor Review - 梁景琨證婚律師 (上)
婚後分享(七) - Vendor Review - 花品篇 (最終回)
婚後分享(六) - Vendor Review - MUA Edith Wong
婚後分享(五) - Vendor Review - 花品篇 (中)
婚後分享(四) - Vendor Review - 花品篇 (上)
婚後分享(三) - Vendor Review - 姊妹裙篇
婚後分享(二) - 過大禮日!
婚後分享(一) - Same Day Edit Video
結婚準備(九) - 出門酒店 + 裙掛 ＋婚紗
