話說我懷孕初期，有時候右小腹會好似俾針吉咁樣痛幾下
初初都驚架！始終懷孕初期，自己唔知頭唔知路，又驚會唔會有咩意外T_T
但因為每次嘅痛都無持續性，亦無其他見紅/唔舒服嘅症狀，所以我都無特別因為呢個情況而去搵醫生
等到產檢嘅時候，醫生就解釋返，呢種小腹痛通常都係因為子宮擴張，拉扯住啲肌肉，所以就會有痛嘅感覺
到懷孕中期開初，無啦啦有一，兩日朝早起身，去完第一次洗手間，又係右小腹，今次係扯住痛，過左一陣個感覺先散
又驚過，點解今次嘅痛唔同上一次嘅呢？但呢個情況唔係每朝都有，亦唔係每次去廁所都係咁，通常都係比較急再去廁所先會痛
因為除左痛一痛之外，無其他唔舒服嘅情況出現，又幸好咁啱過兩日就做檢查，所以等到產檢日，我又問醫生到底搞乜鬼lol
今次就因為原來急想去廁所嘅時候膀胱會漲大，咁去完就會收縮返，於是啲肌肉又扯住左啦-_-
亦解釋左點解我通常都係朝早第一次去廁所痛嘅機會會大啲，因為已經忍左成晚，個膀胱漲得大啲
到最近呢兩日，又肚痛
有一日係行路又痛痛地，坐係到就好啲，咁啱嗰晚同朋友出左去附近食飯，痛到坐係到都有少少覺得見頭暈@口@
但我又唔係好驚，因為痛嗰陣呀仔踢左我幾腳，好似同我講佢無事咁 :)
今次唔洗醫生講我都知咩事，原來係無啦啦腸胃不適，好多氣係啲腸到郁黎郁去，想去廁所-_-....
其實我每日都有廁所去架，又無乜點改變個飲食習慣，但啲唔舒服就係咁無預兆突然埋身
希望休息多啲，飲多啲水同食多啲蔬果會好啲啦orz
幸好而家每一日呀仔都會得閒就踢下我，碌下碌下，感覺到佢生生猛猛，如果唔係有時肚仔附近唔舒服都真係幾驚XD
黃小B 你要繼續做個健康肥仔呀！
Facebook Page: Siuyuen 的生活日記
