今次想寫返big day 當日除左老公 & 伴娘之外，第三個見得最耐 & 最親密嘅夥伴 -
MUA - Edith Wong!
各位B2B 唔洗上facebook search 了，呢個姐姐(應該係媽媽) 係唔識將自己啲野放上網
佢自己又忙，佢呀仔又忙，所以無時間學用facebook 
當日係因為熟人介紹，除左知價錢之外就confirm 左呢個MUA
當初傾電話嘅時候，聽聲 & 語氣仲以為係同自己差唔多嘅後生女
試妝當日見面嘅時候先知道Edith 已經有個讀中學嘅仔架啦 
試妝之後我同佢都有keep 住whatsapp，final confirm 左big day 衫，我就連埋啲鞋，飾物send 俾佢做reference
講返大日子當日
我當日開始嘅時間係好早，約左Edith 4:30am 到酒店
Edith 4:20am 已經打俾我同我confirm 多次個房號 & 話我知就到
4:30am 準時同助手們上到黎酒店房，搵好位set 好場各人就開工了
每次同Edith 傾計都好開心又好輕鬆，佢又會窒下你咁，幾搞笑
因為Edith 好有經驗，所以當攝影師黎到，要求化妝師幫手影啲化妝花絮，佢都好駕輕就熟
嗰一朝早，Edith & 助手們唔係化完妝影完嗰少少花絮相就走晒
有一part 係攝影師叫啲姊妹幫我著條褂裙，但個個都唔識著，Edith 就係到搖控啲姊妹教佢地幫我著
咁佢又唔會入鏡，攝影師又影到相要嘅野，我亦著到條裙
結果，嗰朝早佢留到我差唔多出門先走，因為我事前講過我好易喊，佢驚我一朝早就喊到個妝花晒，所以留低睇住我 
我只係book 左佢早+全晚，跟住就酒樓見了
下午外影實在太熱，3點4點返到酒樓，Edith 同助手已經到左，就開始幫我落妝轉妝 & 幫媽媽家姐化妝
本來我已經搵定伴娘幫我換衫，結果所有衫都係Edith 幫我換好晒，連nu bra 都幫我著埋
結果伴娘就係晚宴換衫換妝時間餵我食飯 
所有換衫換妝嘅時間都好好，完全唔趕
而且佢會提伴娘搵野食 / 野飲俾我，仲提我去廁所
仲有好多野會提點我，講笑令我唔好咁緊張，同埋唔好咁眼訓 lol
而Edith 佢都唔係搞掂化好我嘅妝就留係新娘房就算
呢一幕「落難新娘」，其實佢可以叫伴娘幫手
但佢知我地唔識得點拎住條裙，於是唔怕污糟，同我一齊走難 lol
全日好多野佢都好主動，我無出聲佢已經幫手整好晒，搞掂晒
我拎左一啲自己準備嘅飾物，佢都會盡量善用
而且照顧埋我 & 我身邊嘅人
留意住全晚嘅rundown
一直到我換完最後一套衫，confirm 無野跟，佢先同佢個助手悄悄離開 
我知道好多B2B 都好著重MUA 化妝化成點
因為我唔識分好定唔好，所以係呢篇婚享入面，我著墨係化妝技巧嘅野係好少 
亦只能貼啲相出黎等各位B2B 自行判斷啱唔啱心意
朝早嘅妝 & 褂頭360 全面睇 (頭飾自己嘅)
迎賓look (花花髮朁自己嘅，Edith 再加個佢自己嘅頭飾上去)
簽紙進場look (絲花頭花自己嘅)
開席前進場look (Edith 頭飾)
敬酒look - 頭飾係當日我其中兩條金鏈
Edith 見我條頸太多野唔好睇，於是就即刻將兩條花花鏈當頭飾咁用，好多人大讚!
媽媽嘅大陸親戚仲走左去周x福問，話要搵返同一款頭飾... 人地周x福就梗係話無啦 
簡單送客look - 同我send 俾佢嘅reference 好似架 
我到今日回想起，仍然覺得自己好好彩遇到一個咁有經驗 & 識得照顧人嘅MUA
唔怕佢會遲到早退，亦唔需要驚自己對住個MUA 講錯野會搞到佢黑面
亦唔會試左妝俾左錢之後就唔理你，唔覆你whatsapp
成件事令我好放心
希望俾到多一個MUA 嘅選擇各位B2B 啦 
No comments:
Post a Comment