Siuyuen 的生活日記: 陀B日記 - 靚太學堂之「陀B湊B無難度」免費講座

好開心又好榮幸今次抽中左可以去參加靚太嘅活動!

今次係我好多嘅第一次 - 第一次參加靚太學堂, 又係我第一個聽嘅bb 講座

預早左成個鐘出去太子，就係為左搵車位

係始創附近快食個lunch, 3點50分左右上到去到bbcare 嘅centre

好多靚太靚爸已經到左! 大家都好準時呀

最估唔到係每兩個坐位上面都放左個實習bb 係到

黃生就最開心啦，有玩具俾佢玩 -_-

因為bb 個身同啲手手腳腳都軟綿綿

佢就好鬼興奮咁拎住佢又搖又乜... 我彷彿foreseen 到個仔嘅將來呀

啱啱拎上手一個慈父樣

今堂o既 speaker 林姑娘一開始先問在座各位靚太o既情況
原來今堂除左一位靚太係準備做媽媽之外, 其餘靚太都已經係準媽媽
而準媽媽當中, 我就係週數最少o個個啦

其餘都已經係去到懷孕中, 後期o既準媽媽啦!
我真係要睇多d 其他靚太o既blog 偷師呀

今堂講左好多有用資訊, 特別係食落口o既野!

1. 葉酸o既重要性

初初唔明, 亦都只係成日聽其他人講葉酸對bb 係好重要
由於黃小B 係一個意外, 所以懷孕前其實我只係因為想自己身體精神好d 而食左一陣GNC for woman o既supplement (仲要係記得先食 -_-)
又咁啱得咁橋, 呢隻supplement 係有葉酸架! 唔知係咪因為食左佢, 黃小b 就出現左呢

但當知道懷孕之後, 又明白葉酸對bb 發展o既重要性, 而家我每一日都好乖咁定時定候食醫生開俾我o既葉酸架

2. 不孕原因

我d 朋友話我乖, 有左bb 之後戒口得黎又唔會扭計要食d 唔食得o既野
其實當你知道食落口o既野會有幾影響到你自己 & 肚入面o個個, 你自自然然就會變得無慾無求

我本身好鍾意食野, 無論好唔好食我都可以照食LOL
但因為細細個搞衰左個胃, 所以未有小朋友之前, 其實我已經慣左戒口
再加上我虧到廿幾歲囡都要睇中醫調理, 更加明白點解女仔真係要少食生冷野
以我自己為例, 夏天想食雪糕就痴老公o個d 食一啖兩啖, 食魚生都係食少少過下口癮就夠基本上四季我都係飲熱野, 唔會叫涷野飲之前10月頭去左歐洲3個星期, 無乜熱野可以飲 (因我唔飲咖啡o個d...)
要食包, 食生野, 飲涷水, 飲酒因為本身底子已經差, 當飲食習慣改變左, 呢三個星期最明顯o既係:第一, 廁所去少左; 第二, 胃口差左; 第三, 個人怕涷左
簡單地說: 虛晒!

當時深深感受到呢幾年來辛辛苦苦戒o既口就係呢三個星期打回原形...
於是, 返到黎香港第一餐我係選擇左食碗熱辣辣o既粥暖下個胃 ORZ

所以各位靚太, 就算未有小朋友都好, 為自己身體著想, 生冷野真係過下口癮好啦, 少食為妙呀!

3. 如何預防「妊娠高血壓」 & 「妊娠糖尿」

學林姑娘話齋, 成街叔叔總有一堆係有高血壓 / 糖尿好多年, 依然精神爽利咁周圍走, 唔死得
但當呢兩個病症發生係孕婦身上, 就唔係咁簡單啦
而家唔係得媽媽一個人, 肚入面仲有個小生命, 好多變數出現左, 嚴重o既仲有機會致命!
所以媽媽們真係要小心注意自己o既飲食習慣性阿!
記得少油少鹽少糖, 簡簡單單就好了

聽完一輪資訊性o既野, 呀實習bb 終於有出場機會!
林姑娘教大家如何包包被, 等呀b 訓覺o既時候唔好俾自己o既神經反射嚇醒, 可以有安全感地一覺訓天光
結果老公大人好開心好熱情咁包呀包, 唔俾我包