到大日子當日，我係5點半註冊
梁律師之前已經講過佢會早半個鐘黎到酒樓同我地對資料等完成最後工作
係我仲化緊妝嘅時候，梁律師已經黎到，入左黎新娘房搵我同我老公
對資料嘅期間，發現其中一個地址真係串少左個英文字 - YUEN LONG -> YUEN LON 
曾經做文職嘅我對呢種「鬼掩眼」情況非常明白...
明明對左幾次嘅文件，一交俾老闆就會俾佢搵到minor mistake 
幸好，梁律師身經百戰，佢唔係淨係帶個人黎，註冊嗰陣講幾句就走人
佢係拎住成個喼，入面有埋printer... 無錯! 佢係即場print 返好晒所有文件
除左我同老公之外，根本無人知文件曾經少左個英文字，亦完全無影響過任何進度 
當所有parties 都準備好，咁我就出場啦
出到場之後，梁律師就開始主持儀式，註冊前同我地傾左陣計
至於傾咩，留返大家用梁律師嘅時候感受一下啦！
我可以講嘅係，成個場都俾梁律師搞到又開心又溫馨
令到接住落黎嘅註冊儀式一啲都唔odd，好好氣氛！
睇下我地同梁律師笑到幾開心 
傾完傾就正式開始註冊儀式梁律師係我出場前已經準備好羽毛筆，戒指枕 (本來我諗住用返周大福嗰個戒指盒就算
)
傾完傾就正式開始註冊儀式梁律師係我出場前已經準備好羽毛筆，戒指枕 (本來我諗住用返周大福嗰個戒指盒就算
)
梁律師有提我地講到對方名要望住對方，我地當時都有乖乖照做事後睇返早拍晚播，好彩有望一望對方咋，如果唔係我地兩個就會成段都掛住望份誓詞
講完誓詞就坐底簽紙
律師嘅羽毛筆 & 半個戒指枕出鏡 
梁律師簽名
另一個得意環節，我唔講詳情了，不過睇相應該知我地做緊乜
又係一個令我同老公印象深刻嘅一幕
接住落黎就係交換戒指時間
梁律師喺做每一個程序都會step by step 咁同我地講清楚
好似上面張相咁，佢就教緊我老公係戴戒指之前點樣捉住我隻手 LOL
交換完戒指，揭埋頭紗錫錫埋就正式禮成了
最後梗係要黎個大合照啦! 梁律師其實認真起上黎個樣都係有霸氣嘅
總括而言，梁律師令我呢個註冊儀式增添左好多美好嘅回憶
我無諗過律師會幫手搞熱個場，搞好個氣氛先開始註冊 (之前去睇朋友證婚無呢一part 架嘛 lol)
我亦無諗過原來註冊唔係淨係講完段誓詞就完事，佢令我多左好多sweet moment
佢唔會用朗誦嘅語氣去講野，亦唔會令人感覺係趕住走 / 去下一場
(但其實嗰晚佢8點鐘有另一場，要由元朗去星光行)
而且佢做事認真有交帶，準備工夫又足，真係令我呢個緊張大師都好放心
呢個咁好嘅證婚律師係唔應該得咁少online review 架!
希望梁律師嘅生意愈來愈旺啦，愈來愈來新人寫佢嘅review 啦
No comments:
Post a Comment