又一年，快到離晒譜lol
2014年對我黎講係結婚年，因為全年唔同時段都做緊一啲關於結婚嘅野 lol
亦因為結婚令我認識到一啲新朋友，遇到好多好多開心事
所以回望返，我會話2014年係開心 & 幸福嘅一年 (無政治成份嘅話lol)
工作黎講，終於退下火線
原因竟然係因為健康問題... (當然亦都關結婚事 XDDD)
時至今日，只要我嗰日用電腦用耐少少，隻手都會痛... 叫我呢個電腦兒童情何以堪 orz
於是，我又回歸半退休嘅兼職狀態 XD
黎緊2015年要好努力同朋友搞掂個大計!!
朋友方面，因為結婚嘅關係，今年見返好多好朋友
小同，中同，IVE 嘅，仲有一啲新相識
有時上網會睇到有人因為結婚而同朋友有誤會
感激各位新相識舊相好都對我竉愛有加，因為結婚呢個契機，2014年嘅我得到左比想像更多嘅關心同埋愛 :D
感情方面唔洗問啦，終! 於! 搞! 掂! XDDD
準備結婚嘅過程並唔係得我一個人
仲有好好嘅伴娘，姊妹，同學，好多人都有份出心又出力
難得地又無同另一半嗌交 (但燥底係少不免嘅 lol...)
感激成個過程遇到嘅人同事都係好好，所以每次諗返起「結婚」呢樣野，都係好開心同埋幸福嘅 :p
而且仲愈來愈多人錫我，真係好感激，亦自覺好彩 :)
最重要係終於可以名正言順咁日日見到您 XDD
不過結婚都只係另一個新開始，仲有一個比結婚更大嘅project 將於2015年發生 0.0
要更加努力了!
---
睇返record, 我由2010 年就開始寫每年嘅大小事回顧
回望返2013年嗰篇，有啲野完成左，亦有啲野無做到 / 成個情況改變左
每一年，每一次回顧
我都會同自己講一啲說話，反思過去一年嘅得與失
然後期望自己可以更進一步，唔好迷失方向
當初一啲天真嘅說話，講左之後，連自己都唔知自己相唔相信 -
「相信自己所相信的
相信自己, 相信感覺, 相信簡單, 相信人與人之間的愛」
幸好，憑住呢個信念，令我更珍惜身邊擁有嘅一切人同事
亦令我呢個2014年錦上添花
希望2015年，除左自己之外，亦可以令身邊人過得更加幸福
身份嘅轉變，希望2015年嘅自己可以做得更好
要帶多啲正能量俾大家!! :目
