關於晚宴嘅場地，因為大家都住元朗，又喜歡熱鬧，大人們自然唔鍾意去酒店擺酒
加上老爺最緊張食物質素，所以一開始大人們都無諗過要去酒店擺
我地自己亦唔太需要做啲咩排場野，所以酒店對我地黎講只係浮誇野
其實而家啲酒樓都可以好靚呀~
所以最緊要大人們開心就好了 
元朗酒樓有好多，但得體擺到酒嘅，其實來來去去都係嗰幾間
我地今次只係擺二十圍鬆啲，所以搵場唔難搵
喜上加喜同紅爵御宴都係老爺嘅心水，因為呢兩間老爺成日去飲茶，生日做節都會去食返餐飯
所以佢對呢兩間酒樓嘅食物質素都有信心
不過就場地裝修方面，喜上加喜個樓底太矮，佢個水晶燈吊到好似放左係個頭頂到
而紅爵個場就新啲同埋光猛好多，又夠大，所以最後就決定係紅爵擺酒宴客了
(其實兩間咪又係同一個集團 lol)
本來仲驚會無場，因為我見啲好多B2B 都早成年幾兩年就去book 場
而當時問場距離我地婚期都係八，九個月嘅時間，所以選好左幾個心水婚期就即刻去紅爵問啦
結果日日都有位lol 所以可以選到最心水嘅日子
(事後有時返去問野，就發現我嗰日三個廳都俾人book 晒
)
二十圍就包唔晒紅爵成個場架啦 （佢地最多可以擺成百幾圍，元朗人嘛lol)
咁就包左佢平時跳茶舞嗰個廳，嗰個位最多可以放二十五，六圍，所以對我地黎講仲鬆動左
幫我地手嘅馮經理好好人，好有經驗
我老公個波友遲我地一個月係同一個地方擺酒，又係馮經理跟 XD
有時上去飲茶順便問野，其他經理聽到係婚宴問題都會叫我地問返馮經理
我諗佢應該係專幫人處理婚宴嘅啦 XD
當時我係Join 佢地個婚宴套餐，可以用晒佢地呢啲優惠，當然唔會蝕俾佢
亦唔洗煩要r 啲咩席前小食等等嘅野，因為已經包晒
不過我淨係用左佢地個免費deco，其他影相呀，化妝嗰啲都無試到
不過呢個免費deco 就成為左
我第一個會鬧嘅verdor ，轉頭會講下點解
一月嘅時候做完pencil mark，五月左右返去就問下野，double confirm 下啲細節
佢地有埋check list 提供，嗰日傾好晒就copy 返一張俾我做記錄，唔洗自己諗XD
當晚佢地包埋嘅菜牌設計
另外佢地都有齋菜提供嘅，只要早幾日同佢地講聲邊圍枱同埋幾多位賓客需要，佢地就會準備返
(不過唔知而家有無加價，詳情要問返酒樓)
酒樓送嘅影相用假蛋糕
當晚場地影相出黎嘅效果：
簽名枱都係酒樓提供嘅
個枱高左兩級，白色地氈都係酒樓提供，唔洗另外加錢
Backdrop 等，全部都係酒樓deco 搞掂
全點唔係我地兩個
呢個角度可以睇到成個場，望落去其實好闊落，唔會無路行，亦唔會有壓迫感
成晚啲姐姐，經理都好幫得手，
笑容又夠，好識講野，一睇就知佢地做慣做熟幾時出場，點出場，行邊條路線佢地都會主動問你，然後再安排啲燈光走位
敬酒佢地都會有人帶住敬
我係台前上上落落都有人扶，姐姐都會幫下手拎裙等
佢地長時間都有人係台前留意住，要敬茶或者排櫈影相都有人幫手
新娘房都好夠大，入面可以同時容納到我諗至少8-10個人
夠位放張麻雀枱，大化妝枱，所有衫，姊妹野，雜物，仍然係有位鬆動位行嘅
可能因為嗰面平時用黎跳茶舞，所以佢做到間房好夠大俾啲姐姐換衫放野
仲有個獨立廁所！我可以除左條裙著住個girdle 束褲去廁所而唔會俾人知，非常方便呀真係
食物方面好滿意，每個賓客都大讚呢餐啲野好食，全部落足料，條魚又夠鮮
我廣州黎嘅親戚都以為呢餐好貴，又問係咪要成萬蚊圍 (咁就梗係唔洗啦 XD）
老爺嗰面啲朋友亦都好滿意，始終佢地都有返咁上下年紀，去飲嘅次數多過我地啲後生去飲茶呀真係 -_-
佢地都話野又好食場地又坐得舒服，老爺不知幾有面子 如果喺酒店擺，同一個價真係食唔到呢啲野
我自己都係嗰晚返到屋企，點幾鐘先食到啲蟹鉗，又真係幾大隻喎衰鬼 XD
到底我要鬧個Deco 啲咩呢？酒樓本身所有野都好好，完全無問題
Deco 當日黎set 場嗰班crew 都無問題架，準時黎到，準時交好場俾我地做證婚
但一直用email / whatsapp 同我地聯絡嗰條友就好唔掂
我地用中文問，佢用英文覆都唔緊要，大家睇得明就得，但唔好覆得咁慢先得架
隔日覆已經算係正常，有時要問幾次先覆
一早confirm backdrop 會用我地自己design 嘅logo，唔用佢嗰個
Email confirm 好晒係可行嘅，我地亦一早send 左個ai 檔俾佢，佢亦都confirm 收到的
衰就衰在一直同佢email 聯絡嗰個係我老公而唔係我，我自己又無醒起要喺婚期前同佢做final confirm...
結果...
係呀嗰一晚我出到場先知道要用佢呢個hea 到爆嘅logo -_-
~ 游水浸水就無問題嘅~ 同埋注意飲食啦 」
