1月27號，又係聽講座嘅日子啦! (雀巢果個我都未仲打返blog 做返記錄tim 
)
)是日黃小B 21w3d
下午出席完公司嘅頒獎禮，夜晚就同老公一齊去聽Ubaby x 靚太club 舉辨嘅「坐個好月子」免費講座！
我發現坊間有關坐月嘅講座都比較少呢，係咪我唔識得搵呢 
所以今次係我地第一個聽關於坐月嘅講座
今次早左少少到，於是我地兩個坐埋一角食埋個M 記先 
差唔多時間就開始了! 全場座無虛席，好厲害呀!
因為人地個notice 話唔可以拍攝及錄影，所以我地好乖咁全晚淨係影左呢張相記錄存證 
今次嘅講者嫦姐係一個已經有8年經驗嘅陪月員
佢講左好多坐月期間小知識同埋Do's & Don't 俾各位靚太知：
點解要坐月？
成日聽媽媽講，坐月坐得好，身體會仲好過做囡嗰陣
今次嫦姐都係咁講呀！ 生完仔，個身體就好似禁左個reset 制，一切重新黎過
所以如果坐月坐得好，清走之前啲唔好嘅野，然後有系統咁補充返啲好嘅營養落去
所以如果坐月坐得好，清走之前啲唔好嘅野，然後有系統咁補充返啲好嘅營養落去
唔單只身體好過做囡嗰陣，仲可以令將來更年期嘅時候有機會無咁多病痛!
所以坐月對女人黎講真係好緊要架 
坐月要坐幾耐？
坐月坐月，一直以為坐月咪即係「坐足一個月」
原來唔只架，係足足100日咁多！
頭一個月等身體排走啲污糟野，清晒惡露，亦俾時間俾自己嘅傷口回復，為之後嗰兩個月嘅進補期作好準備
到第二，三個月，當身體回復啦，就可以因應情況開始慢慢進補，慢慢調理好身體
記住唔好急住進補阿，要睇住自己嘅情況而定
所以坐月唔係淨係頭一個月要注意，之後嘅兩三個月都要持之而恆咁照顧好自己阿!
幾時先可以掂水？
因為我將會喺夏天生仔，所以十分關心呢個問題，到底幾時先可以沖涼 / 洗頭呢？
嫦姐嘅答案係好清晰嘅：「拖得幾耐得幾耐！
」
」
嫦姐建議，就算拖唔到一個月，都起碼拖到十二朝
十二朝之後，就繼續採用「拖得就拖政策」，等自己身體回復得好啲先再算
點解坐月掂水咁大鑊呢？
原來，生完仔之後全身嘅毛孔都會擴張，會比平時更易入風
如果入風，就有機會好似風濕咁啲手腳會痛啦，頭入風嘅話就會成日頭痛
點解啲人成日都話洗完頭要吹乾個頭先訓，就係因為唔吹乾，個頭入風就會好易頭痛
所以坐月期間，洗手又好，沖涼洗頭又好，都要用薑水，避免入風
最後嫦姐仲講左啲關於餵人奶嘅注意事項同有咩上奶 & 回奶湯水／食品tim
抄唔切嘅關係，惟有遲啲上網search 下啦
最記得嫦姐話餵人奶嘅話每日要飲3公升水！ 天呀咁咪即係每日要飲一煲電熱水煲咁大煲嘅水
希望到時我有力飲水啦 lol
最後仲有好多禮物收tim 呀 
我鍾意靚太club 嗰個身高尺呀，實用又得意 
P.S：
因為我手上嗰支NUK 嘅Nipple Balm 係15年6月就到期
但嗰陣我先啱啱生，應該用唔切
呢到有無靚太接收左佢？ 因為夠輕，我可以郵寄呀
Facebook Page: Siuyuen 的生活日記
