第二次產檢 @ 17 Nov 2014

本來應該早多一個星期見馮醫生, 但咁啱佢有緊急手術要做, 所以就改左做17號了

不過我都無咩所謂, 因為3號先去完仁安 

今次見馮醫生都係因為一早book 左 + 想睇多個醫生再決定搵邊個醫生跟足全程

約左7點, 等左半個鐘, 實在太肚餓, 於是就諗住拿拿聲食個包啦

點知好樣衰地食到成口都係o既時候姑娘就叫我啦 

最後滿咀麵包咁同醫生say hi 

好彩馮醫生唔介意仲叫我慢慢食唔洗急 

馮醫生都係問返我過往o既病歷, 計下預產期, 仲提埋我有無book 政府做檢查

跟住我又問下佢我之前荒唐o既honeymoon 會唔會對bb 有影響, 幸好幾位醫生都話無乜野 orz

仲好好咁拎住我張感冒藥單, 簡單解釋點解呢d 藥對大人細路都無咩影響, 我都放心好多 

我仲問埋佢接生o既費用安排等, 點知佢話照左超聲波見下bb 先慢慢講 XD

又可以見下黃小b 啦 

是日黃小B 11w2d, 比9w2d 見佢o個陣大左一倍 @O@!! 生命真係好奇妙... 

都係一切正常, 聽下心跳, 仲見到佢多左d 動作 

原來馮醫生都有好多間醫院可以用, 沙田仁安都有!

費用都尚算afford 得到 

佢都好好咁解釋幾間醫院o既長短處

佢知道我未決定到底係去政府 / 私家生都無咩野

仲叫我慢慢諗下先, 唔洗咁快就決定係咪搵佢 & 搵邊間醫院

見完醫生就出去磅個重, 留返個小便俾姑娘做record, 拎埋葉酸 & 維他命丸就走得了

返去同男人講完之後, 佢都覺得馮醫生幾好, 所以我黎緊會繼續搵佢做檢查!

最緊要唔洗專登搭咁遠車去做檢查嘛 

黎緊就係去屯門醫院做唐氏檢查了! 唔知要搞幾耐呢 @_@...

第一次見黃小B! @ 03 Nov 2014

由於自己大頭蝦 & 咁啱撞左新工作o既training 行唔開, 所以第一次見黃小B 已經係佢9w2d o既事啦 

第一次係去沙田仁安做檢查

因為之前都係去仁安做體檢 , 而且元朗婦科要book 成大半個月先有得睇阿orz

仲記得去檢查前一晚, 因為我之前真係所有唔食得唔做得o既野, 全部都做齊.....

所以我就上網周圍睇下有咩野要注意要問定醫生

結果就睇到好多唔應該睇到o既資訊

(例如照唔到bb 心跳等等, 一d 有可能發生o既不幸事件, 搞到我驚左成晚 )

第二日, 去到醫院, 先登記, 等叫名, 然後姑娘就幫我度高磅重量血壓, 跟手去埋洗手間驗小便

跟住就係無盡o既等待... 不過可能係weekdays o既下午, 所以唔算好多人

等左一個鐘左右, 終於見醫生!

亦都終於見到黃小B 啦 :D

幸好照超聲波, 照出黎所有野都正常 

最搞笑係醫生係我同老公兩個一D 心理準備都無o既情況下突然播BB o既心跳聲出黎

仲要開到好大聲, 搞到我地兩個大人都嚇親 ...

不過o個一刻真係好開心, 多謝你咁努力係我個肚入面成長 

睇完醫生, 開左d 葉酸, 拎埋黃小B 人生第一張相, 就埋單走人啦! 

(埋單o個下都幾肉赤, 哈哈 )

接住就等睇埋元朗醫生, 再決定係邊到生 & 搵邊個醫生接生了 

黃小B 日記 - 終於滿12 週!

其實呢... 一直都好想同人分享呢件開心事! 

但, 所謂禁忌o既野, 寧可信其有啦~

同埋大吉利是, 萬一有咩意外, 都無咁多人知, 無咁多人一齊唔開心嘛... 所以真係忍口忍得好辛苦! 

又, 心水清o既朋友, 計計數就會發現我地結婚剛滿兩個月, 但呀黃小B 滿三個月啦 LOL...

(每次諗起都覺得係天意~~)

所以就算而家滿左12週, 我都只係同好熟 & 有需要人士先會講, 唔主動講啦~

結完婚honeymoon 完, 返到黎有好多好朋友約我出黎食飯見面

每次問我食咩, 我都話我去完歐洲食唔慣o個到d 野, 所以返黎香港要食清d

幸好 (?) 我本身腸胃都係比較敏感o個d 人, 所以朋友對於我呢個說法, 都係完全無懷疑o既XD

但就有講笑話我係咪為左想生仔而戒口 

其實o個刻我真係好想講, 唔係想, 而係真係要戒口啦 lol

幸好, 呢段時間, 食得訓得痾得, 除左有時候會胃酸酸/ 突然好餓 / 好眼訓之外, touch wood 暫時無孕吐!

諗返起呢12週, 都咪話唔驚...

自己無為意o既關係, 當中經歷左big day 咁chur o既行程, 又感冒, 又左走睇醫生食藥

仲要去左honeymoon...

Honeymoon, 搭十幾個鐘飛機, 無選擇之下要飲涷野, 酒, 食涷野, 海鮮等等...

仲要考體能, 走左去行鐘樓, 上雪山 (好記得係雪山有一下差d 跌親 )

而家諗起, 除左驚, 真心覺得自己好好彩! 

所以往後日子會更小心好好保護自己, 保護黃小B 

要努力長大呀黃小B!!

婚後分享(三) - Vendor Review - 姊妹裙篇

(未得兄弟姊妹同意所以都係將佢地o既樣都打格仔啦 XD)

當初一開始, 對姊妹裙完全係茫無頭緒:

- 淘寶? 香港買?

- 同色同款? 同色不同款? 不同色同款? 

幸好我o既姊妹們都好合作, 問意見o既時候佢地都會出聲, 令我o既煩惱少左好好好好多!!

最後因為我o既姊妹們只有一位唔係元朗人, 所以大家都同意係元朗整

一來唔洗走黎走去, 二來又唔洗承擔淘衰左要搵地方改衫o既風險...

(因為我&伴娘都試過, 真係幾麻煩到d 姊妹架 )

花多眼亂之下, 我都係相信用過o既人士o既推介, 所以去返人地表姐訂姊妹裙o個間 - Marumaru 丸丸花嫁

係元朗嘉城3樓最盡o個間, 都幾闊落架 

價錢我覺得正常啦, 講真唔係好平好平, 但勝在老闆姐姐佢熟手又快手, 俾到意見我地之餘, 整裙o既彈性又大

選好款, 想加帶 / 加花 / 長款變短款 都得, 最啱我今次同色唔同款o既要求

難得姊妹們個個都滿意離場 

我o個陣一早走去訂裙 (9月結婚5月就去左訂姊妹裙lol)

因為怕大家幾個月時間會肥左又瘦左 

所以當時等到6月最後一個姊妹選好裙度好身, 就慢慢等到8月先去試裙同拎裙

建議各位姊妹真係要親身上去係老闆姐姐面前試一試

因為自己試o既時候, 個個都唔係好啱... 

但一上到去鋪頭, 老闆姐姐睇一睇, 郁一郁, 原來條裙係fit 身, 只係我地著唔啱位 lol

當然睇到要改o既老闆姐姐都會mark 好然後就幫手搞掂佢

成件事都好順利呀~ 無擔心過會趕唔切 / 改唔切

最開心係可以俾姊妹自己選好想著咩款

始終每個人身形, 取向都唔同, 佢地著得靚, 著得開心, 我就最開心!!

所以, 姊妹裙我真係由姊妹自行選擇, 同埋以最方便佢地為原則之下完成呢件事!

繼續期待big day 攝影哥哥鏡頭下姊妹們o既靚相 

婚後分享(二) - 過大禮日!

由於師傅俾左個朝早0700-0900 o既時間俾我 

回想8月30日過大禮當日, 我6點幾就彈左起身, 老公當日就6點幾已經出左車由元朗去粉嶺接兩位姨媽過黎天水圍

之後, 老公7點幾係我屋企下同另外兩位都係住同一條邨o既兄弟交代好, 就由兄弟幫手拎野 & 帶姨媽們上黎我屋企

因為習俗關係, 我就係房, 老公直情係樓下, 連樓都無上黎 lol

雖然我淨係聽到聲, 咩都睇唔到, 但憑大人們搞左15分鐘左右就開始吹水黎睇, 大家應該都係左手交右手確定佢地搞掂之後, 我就出房同大人們, 2位兄弟打返招呼, 多謝佢地一早過黎幫手, 同埋call 返老公上樓

(得佢一個係樓下吹風, 陰公lol...)

跟住大家就一齊傾計, 影相, 成件事都好順利!

最開心係爸媽都好開心! 佢地無諗過會搞到成屋都放滿晒野 XDD

所以有時煩又好咩都好, 有d 野做到o既點解唔做? 見到爸媽個傻笑樣就乜辛苦都無晒啦

當然要多謝埋飲酒飲到朝早5點o既哥哥捱住眼訓幫手打點一切 

結婚準備 (三十六) - 過大禮篇 － 事前準備

婚後分享(一) - Same Day Edit Video

大日子 + Honeymoon 後, 終於的起心肝打blog lol...

其實係未收到相o既情況下真係就算想都好難share info 俾大家....orz

所以我盡量用手頭上有o既資料share 住先啦 :p

今次先share 大日子o既早拍晚播 :D

由於呢條片都係因為攝影師將隻碟放埋係我當日播o個堆碟到, 所以先有得快快手睇住先咋 

亦因為咁所以我自己都未有高清版 lol

好開心當晚播出黎o既時候賓客o既反應都好好 (特別係我踢波o個段大家都笑晒... 無錯, 係笑我 =_=)

我地都睇得好開心! 亦都好感動 

好多謝好多謝當日o既攝影師們, 由2P 到2V & 1A 都係超級helpful + 做得野夠專業!!

當日中午外影係超級熱, 我就算著住對褂鞋, 都俾個地下辣住對腳

但當日攝影師哥哥為左拍到佢想要o既野係可以去到好盡.......

同埋好開心係最近聽到朋友講, 呢條片係朋友近期飲o個幾餐, 最好睇o既一段!

攝影師哥哥, 你咁辛苦, 咩都抵返晒啦XDD

希望快d 收到相啦! 化妝啦, 花球啦, 衫啦, 仲有好多野想share 呀 !