結婚準備 (二十七) - 顯卓婚紗試衫最終回 - 自己final hold (多圖)

男人試完, 就到我試啦~ 

由4月first hold 到而家, 呢幾個月爬文, 上網做左d 功課, 所以今次final hold 唔會好似第一次咁完全唔知自己鍾意d 咩就試衫

亦都因為做左功課, 我預左自己今次係會轉晒first hold o既衫lol

所以當我一去到見到有新書仔, 仲要書仔上面有鍾意o既款, 我真係好感動 XD

今次一黎先試婚紗, 因為我覺得上次o個件實在太大陣象, 行出黎好「論盡」, 所以一定要換過件 

Mei 姐一開始就拎左條我好鍾意o既

本身自己無話特別鍾意魚尾款 (因為唔夠身材著 ), 但佢行出場夠elegant, 仲可以加條紗上去, 一裙兩著!

但加左條紗上去就即刻變左大肚婆裙, 所以試完就算了

然後就試返first hold o個條: 

行唔到阿 

最後Mei 佢拎左條簡單得黎又有d 野睇o既俾我試:

(點解D 相大張左架)呢條有d 閃, 個拖尾又唔會「論盡」, 行起上黎唔會太清太無野睇, 係你啦!

搞掂進場婚紗, 就搞埋o個幾件晚裝啦, 先試一d 上次無試過o既顏色 & 款式:
以下係試過就算系列 lol
第一條綠色 & 最後呢條淺紫色都唔錯, 但自己唔襯, 所以同佢無緣了

最後confirm 左3條, 分別係迎賓, 敬酒, 送客:

好鍾意佢個色!! 所以拎佢黎迎賓, 影多d 相 

其實... 我有諗過夠唔夠紅，亦都有驚個身會唔會睇落好花
但男人係咁話呢件著得好睇，好過之前選嗰條，好啦咁我聽下自己男人講野啦 0_0

顯卓返左好多我好喜歡的輕紗款，好感動 T_T
我諗到嗰日去到送客嗰個moment 我應該累到不得了，惟有著返件顏色精神啲嘅衫送客 lol

同場加影 － 超鍾意嘅灰色＋輕紗款
其實我真係好鍾意著灰色..... 再加埋呢個款我真係心心眼到一個地步orz
但可惜我著起上黎成個人都灰左lol，而且佢仲要無期，所以，有緣無份了T__T
(我見呢個款顯卓仲有另外兩隻色, 都好靚!)

終於搞掂晒d 衫, 可以專心搵accessories & 同化妝師傾下當日造型了 

結婚準備 (十八) - 顯卓婚紗 1st Hold
結婚準備 (十九) - 顯卓婚紗 - 男人禮服篇結婚準備 (二十) - 顯卓婚紗 - 媽媽衫篇
結婚準備 (二十六) - 顯卓婚紗試衫最終回 - 男人禮服篇 (多圖)

結婚準備 (二十六) - 顯卓婚紗試衫最終回 - 男人禮服篇 (多圖)

標籤:  婚紗  1月前

剛過去o既星期日, 除左係大日子倒數兩個月o既日子, 亦都係試衫最終回 

約左6點鐘, 準時上到去尖沙咀顯卓, 有新書仔選衫! 好開心呀有新衫選 lol

(我一直以為呢d 婚紗鋪返貨o既速度都好慢 ="=)

今次幫我o既就係會展見到o既sales 姐姐呀Mei
我地想試男禮先, 我問佢: 除左黑白灰仲有無其他色架?
Mei 姐就即刻二話不說, 幫我搵左d 格仔, share 醒色出黎 
我要收返我第一次去顯卓時話男仔衫好悶o既言論!! 其實佢地都有好多款, 係當時自己唔識開口要咋 orz
今次男人醒目, 拎返條長褲同皮鞋黎試, 唔洗好似上次咁著住條短褲咁怪雞 lol

男仔試衫真係好爽手, 換下件西裝褸就搞掂: 

^ 安全灰色款, 有d 款得黎幾修身幾好睇

^ 我好鍾意o既格仔款, 不過男人講得啱, 呢d款著黎影pre-wedding 係幾好, 但係大日子當晚o既話就太普通了

^ 估佢唔到之原來顯卓都有呢d 出位男裝, 又估佢唔到之男人著上身出奇地唔太odd lol
(有少少色差tim -_-) 

^ 人一世物一世之點都要試上身o既勁野lol Bling Bling 到男人想殺人呀 XDDD

^ 最後仲試埋中式男裝, 好搞笑 lol 正在上淘寶睇下搵唔搵到正野 XD

最後, 男人決定要返上次試o個套灰色西裝, 唔要白色西裝, 轉做大家都意想唔到o既款色...:

無錯呀! 就係桃紅色啦 XD
估唔到男人好襯呢d 咁出o既顏色, 又估唔到佢真係接受著呢隻色 
而且實驗證明呢隻色其實同婚紗好襯:

本來男人一直都係諗住求其普通咁就算, 但我又好想佢可以貪靚一次 
(兩個平時都係人字拖走天涯 orz)
所以今次終於唔洗黑白灰咁悶, 我仲開心過佢呀 XD

下一篇就到我o既試衫最終回啦 

結婚準備 (十八) - 顯卓婚紗 1st Hold
結婚準備 (十九) - 顯卓婚紗 - 男人禮服篇結婚準備 (二十) - 顯卓婚紗 - 媽媽衫篇