結婚準備(十二) - 出入門時間

其實我地本身就無搵師傅擇日，但因為媽媽想知當日啲上頭，出門時間，所以我就搵左我親愛嘅師傅幫我睇睇時間啦
終於，尋日收到時間，結果係，唔知笑好定喊好lol

呢個係師傅俾嘅時間：

過大禮：8月30日 07-09

上頭：01-03 (男先女後)
出門：13-15
回門：13-15

問題就黎啦@0@

出門時間好遲，而且做唔到三朝回門(第三朝只宜掃墓lol)，所以要同一個時段搞掂晒d野

當然係... 搞唔掂啦lol

所以我就選中時出門，吉時回門
其實唔係大凶咪得囉XD

所以我都俾師傅話左幾句，因為佢話遲一日，啲時間已經好好多

不過算啦~ 有時啲野最緊要大家開開心心嘛~
都好多謝師傅咁貼心幫我一次過搞掂晒咁多野 :D

時間出左黎，第一時候話俾伴娘表姐知XDD 因為表姐話會抽空幫我整個時間表!! 天呀我根本就多左個wedding planner 幫我手orz....

我一定一定會送返份大禮 / 請表姐食餐勁黎報答佢!!

結婚準備(十一) - 無啦啦買金

一直以來, 都對結婚o既金器無太大關心, 亦因為仲有成7個月先結婚, 未傾禮金d 野, 所以都無理過呢樣野
係有時候媽媽會叫我上網查下飾金價先會記起仲有呢個項目要處理
(其實對我黎講, 呢啲都係面子野, 大不了咪朱耳盛囉, 無就無架啦 lol)

星期一仲放緊假o既關係, 下午就約左媽媽佢收工出去元朗食下野飲下午茶
原來媽媽見呢排金價都係咁上下, 就拎左少少佢以前結婚啲金器出黎諗住睇下點換法

媽媽呢啲師奶仔就梗係唔會去大行搞啦, 蝕手工費架嘛!
同埋我其實鍾意傳統款, 所以我都唔需要大行啲新潮款
所以就係元朗啲老字號睇下邊到多款, 邊到抵啲

結果睇下睇下, 無啦啦就買埋了 ORZ
仲要買得比想像o既多 =__=!!
雖然實際又唔係真係好多... 雖然未過禮金個budget... 雖然有部份已經係媽媽啲金到扣返...
但都已經超過左我o既預期 @_@

其實真係好開心的, 媽媽將佢留左3x年, 當年佢結婚o既其中一部份嫁妝, 換左俾我做我而家o既嫁妝
佢聽到我鍾意金豬, 就寧願貴少少都買隻大啲o既俾我 (事後我地都好鍾意!!)
返到屋企拎俾爸爸睇, 爸爸都好鍾意, 覺得夠晒大體!

佢地仲叫我戴住俾佢地影相 LOL

真係好大隻 @o@

由本來對呢個項目無關心, 到突然間好期待黎緊爸爸, 哥哥, 舅母o個份 a_a
(其實一條手鏈仔我都可以樂上半天啦 :p)

多謝媽媽o既心意, 放心我唔會斷你長糧 XD
住得咁近, 你而家又咁叻識得wechat, whatsapp, 唔洗唔捨得我 T__T

結婚準備(十) - Pre-Wedding 試衫記

是日小試牛刀, 終於去試衫了 - 雖然只係得10套多少少o既Pre-Wedding 衫 lol

試衫其實我都幾怕醜... 因為我本身又無咩身材, 仲有個肥肚腩...=_=

呢d 時候惟有人前扮大方當唔係咩一回事啦 XD

其實女仔點會覺得試衫累, 麻煩丫, 我覺得不知幾好玩! 以下放相 lol

 婚紗最後選左以下呢件:

  

 晚裝就係藍色呢件: 

同場加映:

多謝你專登陪我同黃輝黎試衫, 幫手影相! >3<

結婚準備(九) - 出門酒店 + 裙掛 ＋婚紗

講起上黎，其實成個新年假都無搞過結婚啲野 lol

只係返到去中山  & 廣州時正式同啲親戚朋友講黎緊結婚啦，不停咁講結婚啲野

表哥佢又係今年擺酒(12月), 於是就同表嫂傾好多結婚野啦~

新年假完左之後，呢幾日都做左少少野o既：

- 出門酒店已訂

嘉湖海逸相連房，費事係樓層中間嘈住其他住客，關埋房門玩啦!

- 裙掛已租

前嗰幾日同媽媽係元朗睇完鴻運，因為佢唔封掛嘅關係，所以我地都唔太鍾意，15號嘅星期六就同媽媽出左去佐敦冠南華到睇啦，佢地啲掛真係幾靚，試上身一睇就知同淘寶貨無得比 lol

因為我有婚享同學會個discount, 8折之後就無out budget 啦!

返去俾爸爸哥哥睇，佢地都鍾意最後我同媽媽選嗰套呢，超開心 :p

- 婚紗晚裝已租，未試

今日去婚紗展嘅目標就係要ko 當日租衫嘅呢個item, 好多booth 我地都唔敢坐底呀，一黎有啲一睇就知out budget，二黎知道一坐我地就賴野 =_=

最後行左去一間叫顯卓嘅booth 到，見到佢地個booth 都幾大，sample d 裙都唔錯，黃輝就話不如坐底啦... 本來表姐叫我去蒙羅麗莎到睇架嘛 T_T 

不過有時真係好邪，比人洗腦期間，表姐就話叫我可以睇下蒙羅麗莎同顯卓呢兩間，不過表姐話蒙羅麗莎啲款就young d, 顯卓都唔錯

雖然睇相期間我都覺得啲衫都唔錯，係選得落手嘅，但其實我都想去蒙羅麗莎到望一望架嘛... 但最後姐姐嘅功力 + 黃輝怕麻煩嘅關係，就直接係顯卓到訂啦 － $6,380 有9套，拖尾乜野都唔洗加錢，呢9套任選新娘，新郎，媽媽奶奶，伴娘衫，咁我都ok 啦，唔洗$1,000 一套，一次過搞掂晒，呢9套包一次轉款tim, 最啱我地呢啲怕煩要搞黎搞去嘅人 lol

自己最無心水最怕嗰樣都訂左! 接住落黎就要煩下個時間表... (呢個聽日分開第二篇黎寫吧orz)