結婚準備 (三)

拿，都話左幾乎每日都打到一篇架啦 (其實啲野定左我就應該無咁多野講lol)

尋日放工就即刻開口約爸爸星期四食飯
一開始其實無講明啲咩嘅，淨係話黃輝有野想同佢商量，所以約佢食飯。不過一聽就知咩事啦，佢自己都問：係咪講你地想結婚呀？ 我就話係呀，跟住感動嘅事情就發生了 - 佢笑得好開心咁走過黎攬住我T___T

其實有啲估佢唔到，我以為佢會問好多野，但結果佢就一句：你開心就好了

反而我呀媽... 我唔可以諗到太灰嘅，因為佢真係唔舒服，未傾到啲咩，所以到而家我都未捉到佢到底想點
我諗最後都係錢嘅issue... =_=

Anyway, 點都好，4個大人，得1個比較難捉摸，我已經好好彩，更何況嗰個都係自己呀媽，我搞得掂嘅!

快啲星期四啦，要快啲訂好日子訂酒樓呀!!

結婚準備 (二)

我諗呢個題目可以寫到一日一篇lol

今日又同黃輝講起酒席啲野：
1. 黃爸爸說包我地20圍，收返男家禮金就可以了
2. 黃媽媽說出8萬蚊bonus 俾黃輝，用黎結婚
3. 黃爸爸已經走左去問紅爵，8xxx 一圍，咁其實搞呢搞路，應該成萬蚊一圍先落到樓...
4. 唔關酒席事，只係上一篇無提到，結婚之後確定會同佢地一齊住大棠，黃爸媽諗埋整過嗰面，等我地如果想叫朋友返黎玩都可以有個私人空間

天呀orz 成件事即刻鬆動晒!
雖然一開始真係期待過黃爸媽會資助，但我無諗過有咁多... 同埋興奮過後，其實個心有啲唔舒服的。有一刻覺得自己任性左。只希望自己可以努力工作，努力對佢地好啲

錢係一個問題，再加上呢份心意，我睇到佢地，特別係住屋問題上嗰一份照顧，其實我好感動好想喊T.T

我會努力做個好新抱!!

結婚準備 (一)

原來，我身心都未準備好結婚架，哈哈哈哈哈，講下啫...

家長果然係最大一個issue - 我指我嗰兩個，話無所謂無所謂但最後又有所謂嗰啲.\_/.
所以我知道要好小心對付我兩老...
希望盡快約到我爸媽食到餐飯啦

反而黃爸爸黃媽媽就簡單好多，有嗰句講嗰句，暫時佢地都無咩要求，最緊要啲野好食就得，所以我地決定係會酒樓擺酒，同埋睇下就唔就到農曆8月/10月
但因為我個廣州表哥14年年尾結婚，所以如果有期我諗就大機會係14年嘅農曆8月啦 (即係新曆9月左右)

尋日太投入去諗點搞呢啲野，搞到訓唔到覺，真係=_=

啲野慢慢定落黎就會好啲，唔好咁緊張!!orz

2013-12-24

反應慢，過左兩日先黎寫幾隻字

其實都... 幾驚

原本以為會好無驚喜，好順理成章咁發生，接受

就算知道佢收埋左隻戒指係身後面

當佢跪係到拎隻戒指出黎，叫我嫁俾佢嘅時候，個人真係會hand 機
(而家諗起都有啲想喊ToT)

又唔係喊到好委屈啦lol
反而係有種難以置信嘅感覺

只係好簡單，兩個人係屋企，食完飯，洗好碗，食埋甜品
簡簡單單，靜靜地，咁就成事了

我要嘅幸福就係咁，簡單，兩個人，就夠
我都唔敢咁張揚，有時候好野真係收係心就好了lol

正式要煩結婚嘅野，唔理了，開心多幾日先算lol

謝謝你，一齊努力吧!